Gipadayag ni Celso Abucejo, special assistant ni Gov. Juliet Uy, nga dako ang epekto sa operasyon sa Provincial Environment and Natural Resources Office (PENRO) tungod sa pagka slashed sa proposed budget sa Kapitolyo para karong tuig 2026.
Matod pa niya, kini mao ang rason sa pagkawala sa pondo alang sa task force batok sa illegal mining ug quarry activities sa probinsya. Ang maong task force unta ang responsable sa pag monitor ug pag implementar sa mga lakang batok sa ilegal nga kalihukan sa kinaiyahan sa Misamis Oriental, apil na ang mga kaso sa quarry ug uban pang environmental violations.
Dugang pa ni Abucejo, ang kakulang sa pondo nakaapekto sa deployment sa mga personnel ug sa pagpahigayon sa mas hugot nga pagbantay sa mga apektadong komunidad.
Busa giingon niya nga nagpadayon ang problema sa illegal mining ug quarrying sa pipila ka lugar, samtang kulang pa gihapon ang suporta ug budget sa operasyon sa task force.
