ESTADOS UNIDOS – Kalkulado ang ipatuman nga mga desisyon sa Pentagon ug sa US White House sa nagsamot nga tensyon sa cross border attacks sa Israeli Defense Force ug sa Hezbollah sa Lebanon.
Sa press conference sa Pentagon,gipanigurado ni spokesperson Air Force Major General Pat Ryder nga may gihan-ay na nga aksyon ang Estadus Unidos.
Kini alang sa gobyerno sa Israel aron wala nay mahitabong spillover sa gubat nga unang gisugdan sa Hamas militants niadtong Oktobre 7, 2023.
Gibutyag ni Ryder nga daan nang misaad ang gobyerno sa Tel Aviv nga andam silang mupatuman sa ceasefire kung tumanon usab sa Hamas ug Hezbollah ang pagpa-undang sa pagpalupad sa ilang wardrones ug missile sa Amihang Israel.(Bombo Anne Quileste).
