CAGAYAN DE ORO CITY – Walay ika-alarma apan angayang tahuron ang sugo ug proseso sa balaod kabahin sa isyu nga kasong pagpalagpot puwesto kang VP Sara Duterte.
Kini ang reaksyon ni Citizens Watch for Good Governance o CWGG 10 convenor Atty. Antonio Soriano kabahin sa hugon-hugon nga mohimo’g People Power rally ang supporters ni Inday Sara.
Miingon si Soriano nga katungod sa supporters ni VP Sara ang paghatag suporta kaniya apna angayang likayan ang pagsulsol nga makapagubot sa katawhan sa nasud.
Una nang gikastigo pag-ayo sa mga supporter ni Duterte ang administrasyon ni Pres Bongbong Marcos nga gipasagdan ang iyang ig-agaw nga si Speaker Martin Romualdez nga ipa-impeach si Inday Sara taliwala nga politically motivated ang maong lakang.
