People’s initiative batok sa political dynasty, gipukaw human sa halos 40 ka tuig

Naglihok na ang katawhan pinaagi sa pagtigom og mga pirma batok sa paghari sa pipila ka pamilya sa politika.

Sumala ni Archdiocese of Cagayan de Oro Social Action Center Coordinator Bong Florendo, napugos sa paglihok ang publiko human gipasagdan sa mga politiko ang nahisgotang probisyon sa Konstitusyon sulod sa halos 40 ka tuig.

Subay niini, nakig-alayon ang grupo nila ni Rev. Fr. Roger Gabac ug Archbishop Jose Cabantan aron awhagon ang publiko sa pagsuporta sa Dapat Isa Lang movement.

Katambayayong usab sa opisina ang Xavier University ug uban pang mga pundok aron masiguro nga mapasa ang balaod nga magdili sa pagpundok sa gahum sa usa ra ka pamilya.