CAGAYAN DE ORO CITY – I-agi na lamang sa Charter Change Consultative Committee sa ‘People’s Initiative’ ang pag-usab sa batakang balaod aron mahatagan sa dalan ang pederalismong sistema ang nasud.
Kini human angkona sa komitiba nga nawala na ang kainit sa suporta sa katawhan gumikan sa daghang suliran nga giatubang sa Duterte administration.
Gibutyag ni ConCom member Atty Reuben Canoy nga gikinahanglan nila ang 12 porsiento gikan sa tanang botante aron makuha ang suporta alang sa moang inisyatiba.
Una niini,nagkatigom ang mga gobernador ug mayores nga pabor sa pederalismo sa syudad aron tukion ang sunod nga lakang sa pag-usab sa balaod sa nasud.
