CAGAYAN DE ORO CITY – Atbangan sa hiniusang lihok sa katawhan o people’s movement ang pamunuan sa city govt kon pabiling walay sulbad sa banging-pinansyal sa Cagayan de Oro Water District ug Cagayan de Oro Bulk Water Incorporated o COWD-COBI ning syudad.
Kini human pabiling naglantugi pa ang COWD ug COBI kon angay bayran ang nagsaka na nga bayrunon sa panubig nga nalatid sa pirmado nila nga kontrata.
Namahayag si Mindanao Labor Union President Atty. Proculo Sarmen nga kon luya ang city hall ug Local Water Utilities Administration o LWUA sa pagtubag sa problema,dili usab paghimo’g aksyon ang Community Alliance of Water Security Action o CAWSA.
Sa miaging semana,midalikyat ang tag-iya sa Rio Verde sa city hall ug gipasalig kang City Mayor Rolando ‘Klarex’ Uy nga dili ihunong ang suplay sa COBI taliwala nga dunay laing petsa nga gisitar sa pagputol sa tubig sa Abril 30 ning tuiga.
