CAGAYAN DE ORO CITY – Dili lang mabalaka ang mga tinud-anay nga nagtrabaho nga job orders ug casual workers kabahin sa ilang working status sa city hall.
Kini bisan kon kutob ra ang ilang pag-serbisyo niadtong Disyembre 2024.
Gibutyag sa tigpamaba ni City Mayor Rolando ‘Klarex’ Uy nga si Janboy Actub, dako ang tsansa nga ipabilin sila sa trabaho subay sa rekomendasyon sa ilang department managers.
Siya miingon nga nagsumikad ang paghupas sa kontrata sa tanang JOs ug contractuals sa memo issuance ni Mayor Klarex nga nakasubay usab sa balaod.
Hisayrang ang maong memo issuance ni Uy ang gibatikos usab ni kanhi City Mayor Oscar Moreno.
