CAGAYAN DE ORO CITY, Philippines – Ipasaka sa senado ang kasong perjury batok kang kanhi Bamban Tarlac Mayor Alice Guo, o si Guo Hua Ping sa tinood nga kinabuhi.
Gipanigurado kini ni Senate President Francis Chiz Escudero human mihungaw na ang impormasyon nga naka-abot na sa Malaysia ug Indonesia si Guo kuyog ang iyang miyembro sa pamilya ug wala na dinhi sa Pilipinas, taliwala nga gidungog ang ilang kaso.
Gibutyag ni Escudero nga dakung laparo sa senado kung idismis nila ang kaso ni Guo ilabe nga miikyas kini sa nasud ug intensyonal nga gibiyaan ang mga kaso nga gisang-at kaniya, kuyog sa hawanan sa kamarabaha.
Gitin-aw usab ni Escudero nga kinahanglan dunay mag-file sa affidavit aron isaka ang kaso ni Guo sa mas taas nga hukmanan, sama sa Department of Justice.
Una niini, gisugyot nila senador Sherwin Gatchalian ug Risa Hontiveros nga tawgon sa senado ang mga kadagkuan sa Bureau of Immigration (BI) ug Civil Aviation Authority in the Philippines (CAAP) kung nganong nalutsan sila ni Guo.
