CAGAYAN DE ORO CITY-Naka-sentro sa anggulo nga pagdumot o personal grudge ang imbestigasyon sa kapolisan kon nganong gipusil sa motorcycle in tandem suspects si Dra Zaynab Abejuela sa Yacapin-Quirino Streets,Brgy 35 sa syudad.
Kini human milugwa sa padayong imbestigasyon nga sinunog sa duha ka suspek nga babaye ug lalaki ang mipusil kang Abejuela samtang nakasakay siya sa pribadong sakyanan niini sa miaging gabii.
Gibutyag ni SPO1 Neil Apollo de las Alas,imbestigador sa Cogon Police Station nga gilimitahan una nila ang pagtumbok sa rason kon nganong gipapusil sa mga suspek ang biktima.
Una niini, gikondinar sa pamilya ni Abejuela ang nadangatan niini diin naigo sa dughan gikan sa kalibre 357 nga armas.
