CAGAYAN DE ORO CITY-Gitutukan sa Special Investigation Task Group o SITG ang teorya nga may kalabutan sa personal nga atraso ug kalabutan sa trabaho kon nganong gi-ambush si Supt Michael John Deloso sa duha ka suspek sa dalang Luna-Capitol ning syudad.
Kini subay sa inisyal nga gisulti sa kapikas nga doktor ni Deloso pipila ka oras gikan sa pag-ambush niini samtang sakay sa sakyanan sa maong lugar sa miaging Martes sa buntag.
Miingon si Cagayan de Oro City Police Office o COCPO spokesperson Supt Mardi Hortillosa gisubay pa nila ang ubang posibleng impormasyon nga mahimong makatabang pagsulbad sa kaso ni Deloso.
Si Deloso ang dili pa maka-estorya tungod sa igo sa iyang dagway ug ubang bahin sa lawas dihang kini na-ambush.
