CAGAYAN DE ORO CITY – Gibuak ni Ozamiz City Police Station commander C/Insp Jovie Espenido ang iyang pagpakahilom-hilom human mikatag ang mga text messages nga may mas duguoong ambush pa ang mahitabo sa Ozamiz City human sa linoog nga pagronda sa balay sa ilang mayor.
Sa pakighinabi sa Bombo Radyo, gitin-aw ni Espenido nga peke ang mga nagkatag nga text ug gi-awhag ang mga taga Ozamis nga magmakalmahon tungod kay wala silay intel-report ng may pag-ambush nga mahitabo.
Gani, gihupay sa hepe sa Ozamiz-PNP ang kabalaka sa ilang mga katawhan pinaagi sa pagbukas subli sa iyang opisyal ng FB account aron didto na magsumikad ang tanan opisyal nga pahibalo ug pahinundum alang sa kahusay ug kalinaw sa ilang syudad.
Una nang gipakatag sa social media nga may mahitabo nga pagpang-ambush sa Ozamiz City tungod sa nahitabo pagkamatay sa magtiayong Mayor Reynaldo Parojinog Sr ug Susan Parojinog ingon man si Board Member Octavio Parojinog Jr.
