CAGAYAN DE ORO CITY – Gihatagan sa pinasahi nga pag-ila ang importanteng papel sa kababayen-an sa katilingban ubos sa Klarex Uy administration ning syudad.
Kini isip kabahin sa pag-selebrar sa Women’s Month Celebration ning tuiga.Pinaagi sa inisyatiba sa PESO-Cagayan de Oro,gidagsa sa mga aplikante ang gilusad nila nga job fair alang sa kababayen-an nga gipahigayon sa city hall sa syudad kagahapong adlawa.
Mismo si DOLE-Misamis Oriental Provincial Director Emmanuel Toledo ang mitambong sa maong aktibidad nga gipahaom sa kasaulugan ning bulana.
Siya miingon nga haom lamang nga kanunay hatagan sa dakong importansiya ang kababayen-an kay kabahin sila sa pag-abante sa usa ka komunidad pinaagi sa ilang mga kontribusyon ug mahimo sa katilingban.
Gatusang mga aplikante bisan sa mga lalaki ang mitubag sa job fair nga gitanyag sa local ug overseas companies kagahapong adlawa.
