CAGAYAN DE ORO CITY – Gipadumduman sa kapolisan ang publiko nga hilig mamuhi sa mga mananap sama sa mga iro nga kanunay responsable sa pagbaton niini.
Gihimo ni PRO 10 spokesperson Police Maj. Joann Navarro ang pahayag nunot sa pagka-kasuhi sa tulo ka lalaki nga tinuyo mipatay sa irong-kalye sa Iligan City apan nag-viral kay nakuhaan sa video ug naabot sa social media.
Miingon si Navarro nga kasong pagsupak sa Animal Welfare Act of 1998 ang giatubang sa mga suspek tungod sa hitabo.
Apan siya miingon nga angay usab dili magpasagad ang mga tag-iya sa mga mananap kay aron dili makahasol sa publiko.
