Daku nga pondo ang masayang kon iduso ang pag-oktaba sa barangay ug SK eleksyon karong Nobyembre dos.
Kini ang gipadayag ni Nestor Banuag sa National Citizens’ Movement for Free Elections o NAMFREL kabahin sa reporma ug giandam nga lakang batok sa Republic Act 12326 nga naglugway sa termino sa mga opisyal ngadto sa tuig 2028.
Sumala pa sa opisyal nga andam na ang COMELEC bisan pa sa mubo nga panahon ug aduna na usab bilyones nga salapi ang nagasto para sa preparasyon sa gitakdang eleksyon.
Tungod niini, gipahibalo sa grupo nga suportado sa NAMFREL ang mga petitioner sa Supreme Court aron kuhaan og temporary restraining order o TRO ang bag-ong balaod ug masiguro nga madayon gayod ang piliaay sa gitakdang petsa.
