Pormal nang nagsumiter sa pestisyon sa “interim release” ang mga defense lawyers ni kanhi presidente Rodrigo Duterte sa International Criminal Court (ICC).
Gi-anunsyo ni Atty Nicolas Kaufman nga gipasa nila ang hangyo, alayon sa pagselebrar sa Pilipinas sa adlaw sa Kaugalignan.
Masaligon si Kaufman nga dunggon kini sa korte ilabe nga adunay garantiya ug saad ang mga huwes sa ICC nga tagaan sa provisional release ang mga akusado nga nagpangidad sa 80 anyos pataas.
Samtang naghulat sa tubag ang defense team ni Duterte, gipalanog usab sa iyang anak nga si Vice President Sara Duterte nga si Senador Imee Marcos ang kinahanglan mudala ug balik sa iyang amahan sa Pilipinas kay ang iyang igsoon nga si Presidente Bongbong Marcos man ang nagdagit kaniya ug gihatag sa kamot sa mga banyaga.
Gihimo ni VP Sara ang pamahayag dihang gibisita niini ang lapad nga grupo sa mga overseas Filipino Workers ug mga pinoy migrants nga namuyo didto sa Kuala Lumpur Malaysia, dungan sa pagselebrar sa ika 127 ka tuig nga adlaw sa Kaugalignan sa Pilipinas
