CAGAYAN DE ORO CITY-Gibasura sa korte ang motion for bail sa kasong kidnapping ug carnapping batok sa lima ka akusado nga kanhi mga pulis sa syudad.
Kini human wala makumbinser si RTC Branch 38 Judge Emmanuel Pasal sa mga basehan sa depensa hinungdan pabilin sila nga tingkagol sa prisohan sa syudad.
Gibutyag ni Atty Rey Raagas, abogado sa pamilya sa kidnap victim nga si Enrique Fernandez III nga tungod niini ipadayon ang pre-trial sa mga kaso sa korte sa Hulyo 16 ning tuiga.
Akusado sa maong mga kaso sila si kanhi Sr/Insp Ereneo Ramirez, SPO2 Jojo Lim,SPO1 Alaindelon Tacubao,PO3 Alejandro Ubanan ug PO2 Sangkula Hussein.
Si Fernandez ang gidagit sa mga akusado igo paggawas gikan nagdula’g bingo sa Brgy Carmen sa syudad niadtong Oktubre 23,2016.
