CAGAYAN DE ORO CITY – Nagtoo si Citizens Watch for Good Governance 10 convenor Atty. Antonio Soriano nga wala gihapo’y maayong resulta ang balaodnon nga mapasar nga butangan na’g ngipon ang anti-political dynasty law sa nasud.
Kini human miduso’g petition ang pipila ka retired justices ug ubang pribdong mga personalidad sa korte suprema nga pugson ang kamarabaha nga mohimo’g balaodnon nga nagtumong pagputol sa political dynasties nga gilangkuban sa gamhanang mga pamilya sa politika.
Miingon si Soriano nga kon pabiling walay delikadesa ang mga dagkong political families,lisod nang maputol ang pagsilbing negosyo sa pipila ka pamilya ang politika sa nasud.
Hisayrang sukad tuig 1987,wala maglihok ang balaod sa anti-political dynasty tungod kay numero nga maigo niini ang mga kongresista ug mga senador nga adunay mga kabanay nga anaa sa puwesto sa tagsa-tagsa ka mga probinsya.
