CAGAYAN DE ORO CITY – Ipagamit na lamang ni Provincial Gov Bambi Emano ang pondo sa iyang buhatan nga balor 20 milyon pesos aron itukod sa bag-ong gambalay sa nasunog nga provincial health office sa capitol grounds sa syudad sa miaging semana.
Miingon si Emano nga gikuhaan usab sa Misamis Oriental Department Heads Association o MODHA ang ilang mga pondo nga dili magamit sa conference ug seminars tungod sa pandemya aron ipuno sa pondo nga itukod sa bag-ong PHO building.
Mitala sa 1.4 milyon pesos ang damyos sa maong sunog hangtod karon karon wala pa mahatag sa Bureau of Fire Protection ang rason sa pagsugod sa kalayo.
Hisayrang kabahin sa nadamyos ang 30 ka vials sa Sinovac vaccines nga kabahin na unta nga itupok kang Emano ug ubang capitol workers sulod ning bulana
