Gihulagway ni Prof. John Louie Sabal sa Xavier Ateneo Department of Economics nga ang nasud karon ana sa extraordinary nga kahimtang tungod sa pagsaka sa presyo sa petroleum ug uban pang pamalitonon.
Sumala niya, wala pa niya mahinumduman sa iyang kinabuhi nga miabot og sobra sa 100 pesos kada litro ang presyo sa lana, ug bisan ang iyang amahan wala makapahinumdom niini.
Busa, gipasabot niya nga kini nga sitwasyon nagkinahanglan og lahi ug dali nga mga lakang aron mapugngan ang epekto sa inflation sa pamalitonon.
Dugang pa, gihangyo niya nga gamiton ang savings ug kita sa gobyerno alang sa mga extraordinary nga pamaagi aron mapagaan ang kahimtang sa katawhan.
Bisan pa man, giila niya nga lisod kini buhaton sa tinuod apan posible kung adunay tukmang aksyon. Sa katapusan, giawhag ni Sabala ang gobyerno nga magpadayon sa mga lakang nga makapamenos sa epekto sa pagtaas sa presyo sa lana. (By James Oliver)
