Bisan unsang orasa mahimo nang gamiton sa Pilipinas ang gihuptang missile assets sa Armadong Kusog sa Nasud batok sa walay hunong nga harassments nga binuhatan sa China sulod sa West Philippine Sea.
Kini sa tuyo nga madepensa ang Pilipinas ang mga teritoryo nga gipang-ilog sa China.
Apan miingon si National Security Council Asst Director General Atty Jonathan Malaya nga mas gipili ni Pres Bongbong Marcos ang diplomisya nga paagi.
Kini aron kalikayan ang mas dakong kadaot kon magka-gamitay sa puwersa ang China ug Pilipinas.
Gihimo ni Malaya ang mensahe nunot sa ilang pagduaw sa katawhan sa usa sa mga bahin sa isla nga sakop sa West Philippine Sea.
