CAGAYAN DE ORO CITY – Pasagdan sa Philippine Army nga mismo manubag ang ilang pipila ka kaubang sundalo nga nadakpan tungod sa kasupakan sa kasamtangang gipatuman nga gun ban pinaagi sa checkpoint sa Commission on Elections o Comelec gamit ang kapolisan sa nagkadaiyang bahin sa nasud.
Alayon kini sa pagkasikop sa pito ka organic members sa Philippine Army ug usa ka aktibong sakop sa Citizen Armed Force Geographical Unit Active Auxiliary sa magkalahing checkpoints nunot sa election period nga gipatuman sa Comelec pagsiguro nga luwas ang May 12 elections.
Sa eksklusibong interbyu sa Bombo Radyo, namahayag si Philippine Army spokesperson Col.Louie Dema-ala nga wala sila magkulang sa paghatag-abiso sa ilang mga sundalo kabahin sa sugo sa balaod kabahin sa gipangandaman nga 2025 midterm elections.
Dumduman nga sa gilugwa nga data sa Philippine National Police,anaa sa sobra libo ka personalidad na ang nadakpan diin halos napulo kanila ang mga aktibong sakop sa mga sundalo.
