CAGAYAN DE ORO CITY – Nagkinahanglan na lang sa ensaktong tamying ug mahingpit nang mahugno ang kalihukan sa CPP-NPA sa nasud.
Kini human namahayag si Philippine Army spokesperson Col. Louie Dema-ala nga wala na’y kapas ang maong armadong grupo makasabwag kagubot ug pakig-engkuwentro ngadto sa tropa sa kagamhanan.
Miingon si Dema-ala nga maoy katapusang pukos sa ilang puwersa ang usa na lang ka guerilla front sa NPA sa Visayas aron malumpag na sa hingpit ang insurhensiya sa nasud.
Siya miingon nga kung hisgutan ang armadong kalihukan sa NPA sa Mindanao,misamot pa paghuyang nunot sa kamatayon sa kapikas nga ni Jorge Madlos alyas Ka Oris nga si Myrna Sularte alyas Ka Malaya didto sa Butuan City sa miaging mga bulan.
