CAGAYAN DE ORO CITY – Dili igsapyan sa armadong kusog kon dunay motulisok sa ilang kampanya batok sulirang insurhensiya sa nasud.
Kini ang tubag ni Philippine Army spokesperson Col Louie Dema-ala nunot sa pagsaway nga dili epektibo ang National Task Force to End Local Communist Armed Conflict o NTF-ELCAC pagtubag sa isyung pang-seguridad sa nasud.
Miingon si Dema-ala nga walay perpekto nga mga programa rason nga ipadayon lamang nila ang mga nasugdan sa natl govt nga pagtubang sa mga suliran nga tinubdan sa pag-rebelde sa katawhan sa nasud.
Una nang gibasura mismo ni Pres. Bongbong Marcos ang sugyot nga ihunong na ang NTF-ELCAC kay alang sa gobierno dako’g tabang sa pagpahinay sa kalihukang insurhensiya nga sobra 50 ka tuig nang naglihok sa nasud.
Hisayrang dunay sakop sa United Nations International Criminal Court nga nakaduaw sa nasud ug gipa-komento sa NTF-ELCAC implementation pagtubag sa anti-insurgency campaign sa kagamhanan sugod tuig 2018.
