CAGAYAN DE ORO CITY -Pursigido ang Philippine Army nga hingpit nang tapuson ang armadong pakigbisog nga binuhatan sa CPP-NPA palibot sa nasud.
Kini taliwala nga nagsaulog sa 56th founding anniversary ang maong grupo ning adlawa.
Miingon si Col. Louie Dema-ala,tigpamaba sa Philippine Army nga gitahasan sila ni Pres Bongbong Marcos nga sulod ning tuiga, angayang mapulbos na sa hingpit ang utok sa insurhensiya sa nasud.
Siya miingon nga adunay usa na lang ka guerilla front committee ang padayong gibungkag sa puwersa sa gobierno aron hingpit nang gawasnon sa armadong pagpangatake ang nasud.
Hisayrang walay unilateral ceasefire nga gidekalra ang duha ka panig ning tuiga.
