(Update) CAGAYAN DE ORO CITY – Nagtoo ang Philippine Army nga mohinay pa ang kalihukang terorismo nga gisabwag sa grupong Dawlah Ismaliya sa pipila ka bahin sa Mindanao ilabina sa mga probinsya sa Lanao Norte ug Lanao Sur.
Epekto kini sa pagkapatay sa lima ka gitoohang DI members nga gipanguluhan ni Uya Dama alyas Lagbas nga taga-Malangas,Zamboanga Sibugay.
Apil usab sa napatay sa PNP-CIDG 9 lead operations kay nanukol sila Ameril Datumaas alyas Siyol;Hosni Datumaas,minor nga pulos sa taga-Lanao del Norte ingon man si alyas Yadin ug alyas Johaiber nga wala pa’y klaro nga address.
Gibutyag sa Bombo Radyo ni Philippine Army spokesperson Col. Louie Dema-ala nga dako kini’g epekto nga kamatayon sa mga terorista aron makulangan ang kagubot sa Mindanao.
Una nang gisilbi sa mga otoridad ang warrant of arrest batok kang Uya ug igsoon niini nga si Musa Dama sa kasong kidnapping apan nanukol sila rason nagka-engkuwentro’g tunga sa oras sa hideout sa Brgy Bangco,Sultan Naga Dimaporo,Lanao del Norte.
Samaron usab sila Bucari Datumaas ug dinakpan si Rauf Odin Datumaas na parehong taga-Sultan Naga Dimaporo.
Samtang walay bisan usa ka sundalo’g pulis nga samaron sa maong operasyon.
Hisayarng nakuha gikan sa mga namatay ang tag-tulo ka M-16 ug Garand rifles; 2 pistols;klase-klaseng magazines;2 granada ug assorted ammunitions. (With reports Navarro, Mike)
