CAGAYAN DE ORO CITY – Kusganong gihimakak sa Philippine Army nga mihimo sila’g ‘loyalty check’ sa ilang mga tropa kon lig-on pa ba ang pagsalig niini sa liderato ni Pres Bongbong Marcos isip commander-in-chief sa nasud.
Kini human unang gisulti ni kanhi Pres Rodrigo Duterte nga anaa sa mga sundalo ang hukom kon angay o dili na nila suportahan ang administrasyon tungod sa isyu nga pagka-illegal drug addict sa presidente.
Miingon si Philippine Army spokesperson Col. Louie Dema-ala nga dili trabaho sa Armed Forces of the Philippines o AFP ang pagsusi kon tinood o dili ang isyu nga gilitok sa kanhi presidente.
Kini tungod kay nag-unang tahas sa AFP ang paghatag seguridad sa soberanya ug konstitusyon sa nasud.
