CAGAYAN DE ORO CITY – Gipalig-on sa militar ang ilang internal security operations o ISO batok sa armadong kalihukan sa Communist Party of the Philippines -New Peoples’ Army o CPP-NPA nga makamugna’g kasamok ug peligro ngadto sa katawhan.
Kini alayon sa gilauman sa kasundaluhan nga posibleng mga pagpangatake sa armadong grupo nga modudom sa ika-56 nga anibersaryo sa CPP sa petsa 26 ning bulana.
Namahayag si Philippine Army spokesperson Col. Louie Dema-ala nga dili nila lung-an ang paglumpag sa armadong grupo sa CPP aron makasaulog nga malinawon ang katawhan sa pagsugat bag-ong tuig.
Una niini,wala modeklara sa unilateral ceasefire ang liderato sa CPP-NPA ngadto sa gobierno alayon sa yuletide season ning tuiga.
