Birthday wish come true kang teen beauty queen Aranah Tuco ang pag-representar sa Pilipinas alang sa usa ka international pageant competition didto sa Thailand ning semanaha.
Kini siya ang misakmit sa pinakaunang korona alang sa Pilipinas sa 2024 Ms Teen Gorgeous Universal International ning tuiga.
Namahayag ang dalaga nga wala na siya magdahom nga makuha pa ang korona ilabina nga pulos lig-on ang mga kandidata ang iyang gikaatbang nga naglakip sa Thailand,Laos ug Mongolia.
Gani,nakakuha lang siya’g minor special awards sa maong indigay.
Apan wala niya damha nga ang mismo ang mga hurado ang nakakita ug naka-appreciate sa iyang kaanyag ingon man unod sa question and answer portion sa coronation night didto sa Bangkok,Thailand.
