Gipasigarbo ni President Ferdinand Marcos Jr. ang nagkalig-on nga strategic partnership tali sa Pilipinas ug Canada, nga nagtimaan sa bag-ong hugna sa kooperasyon sa duha ka nasud.
Ang maong panagtambayayong naglangkob sa mga sektor sama sa seguridad, pamatigayon, enerhiya, teknolohiya, pamuhunan, ug people-to-people exchanges.
Gipasalig sa Pangulo nga padayon pang palig-onon ang bilateral nga relasyon aron mas mapalapdan ang mga oportunidad alang sa mga Pilipino ug Canadian. Matod sa administrasyon, ang strategic partnership maghatag og mas lawom nga kooperasyon sa ekonomiya, depensa, ug uban pang prayoridad nga larangan.
Gipalawom usab sa duha ka nasud ang ilang kooperasyon pinaagi sa pagtapos sa negosasyon alang sa Philippines-Canada Free Trade Agreement (FTA), nga gilauman mapirmahan sa 2027.
Ang kasabutan gitumong sa pagpalambo sa patigayon, serbisyo, pamuhunan, digital trade, ug suporta sa gagmay ug medium nga negosyo.
Gilauman nga ang mas hugot nga panag-alyansa tali sa Pilipinas ug Canada makapadali sa pag-abli sa dugang trabaho, negosyo, ug bag-ong oportunidad alang sa mga katawhan sa duha ka nasud.
.jpg "Usec. Castro, gipatin-aw nga bahin sa legal nga proseso ang extradition warrant batok kang Pastor Apollo Quiboloy")
