Puno sa kasubo ang gibati ni Naomi Gardoce, representante sa Pilipinas sa Women’s Mountain Bike Downhill sa 33rd Southeast Asian Games sa Thailand.
Subay sa report, nadislokar ang abaga sa siklista human siya aksidenteng nahulog sa finals.
Maoy naapektuhan ang iyang clavicle.
Gisayang kaayo ang atleta sa hitabo human sa daghang tuig nga sakripisyo, grabeng training ug preparasyon.
Hinoon, mapasalamaton si Gardoce sa Labaw nga Makagagahom kay luwas na siya sa kuyaw nga kahimtang.
Una niini, milaum ang atleta nga ipadayon sa iyang team ang wala niya mahuman, ug mangharos sa daghang medalya.
