MANILA – Dili pa makompirmar ni International Development and Security Cooperation Presidente Chester Cabalza ang panawagan nga ipalagpot sa puwesto si Defense Sec. Gilbert Teodoro Jr.
Miingon si Cabalza nga daghang sundalo ang iyang nahinabi ug naglagot sila sa taras sa National Security Council kinsa mitratar lamang nga misunderstanding ang nahitabo sa Hunyo 17 nga pisikal nga pag-atake sa Peoples Liberation Army sa China sa Philippine Navy sa Ayongin Shoal.
Namahayag ang security expert nga duna siyag nakita nga mga text blast nga gusto sipaon ni Teodoro apan dili pa kini kompirmado.
Una niini, nagtuo ang kampo ni Cabalza nga posibleng maluwat sa puwesto si Teodoro kay iladong kining ka-alyado ni VP Sara Duterte. (Bombo Anne Quileste)
