CAGAYAN DE ORO CITY – Dili wad-on ni US Pres Donald Trump ang nasudlan sa Pilipinas ug Estados Unidos nga Enhanced Defense Cooperation Agreement o EDCA nga miani’g kontrobersya ngadto sa publiko.
Kini bisan nga kusganon ang mando ni Trump nga ipanghunong ang pagpanghatag ayuda sa Amerika ngadto sa ilang mga kaalyadong kanasuran sa dakong bahin sa kalibutan.
Gibutyag sa geo-political analyst Professor Anna Malindog- Uy nga dako’g interes ang Amerika sa Asya,hinungdang lisod nga wad-on nila ang EDCA nga nakaposisyon sa daghang lugar sa nasud.
Siya miingon nga dako’g mahatag nga peligro ang presensya sa tropang Amerikano sa Pilipinas kay magsilbi man kini nga bahad sa China ug Rusya.
Una nang nabulgar nga dugay nang gipasudlan sa Pilipinas sa typhoon missile launchers nga iya sa Amerika ang pipila lugar diin nahimutang ang EDCA sites.
Hisayrang gawas sa napulo ka EDCA sites nga naglakip sa Lumbia Airbase sa Cagayan de Oro City,anaa sa dugang upat pa ka lokasyon ang ipuno alang niini.
