CAGAYAN DE ORO CITY – Dili makonsidera nga hingpit nga gawasnon ang Pilipinas hangtod nga nabutang sa peligro ang external security niini batok sa mga langyaw’ng puwersa.
Kini ang paghulagwa sa grupong National Union of People Lawyer (NUPL) kabahin sa pagsaulog sa Pilipinas sa ika-126 ka tuig nga anibersaryo sa kaugalingnan batok sa mga langyaw’ng tropa ning adlawa.
Gibutyag sa Bombo Radyo ni NUPL President Atty.Ephraim Cortez nga samtang milampos sa pakig-away ang unang mga kaliwatan pagpalayas sa unang mga puwersa sa milaba’yng usa ka siglo apan kalit mitumaw ang pagpangilog gamit ang armadong presensya sa Tsina sa West Philippine Sea.
Matud ni Cortez nga wala pa mahuman ang pakigbisog sa mga kaliwat tabunon batok sa mga taga-gawas sa Pilipinas rason nga angay mobarog ang gobierno aron panalipdan ang katawhan.
