Mipirma ang Pilipinas ug Japan sa usa ka ‘defense agreement’ alang sa pagpalig-on sa ‘deterrence’ batok sa nagkagrabe nga agresyon sa China ug aron usab nga mas mapalig-on ang pagtubag sa mga kalamidad.
Ang “Acquisition and Cross-Servicing Agreement” kay gipirmahan ni Japanese Foreign Minister Toshimitsu Motegi ug Philippine Foreign Affairs Secretary Theresa Lazaro ngadto sa Manila.
Lakip sa kasabutan ang paghatag sa ‘ammunition’ nga walay buwis, lana, pagkaon, ug uban pang mga kinahanglanon sa panahon sa ‘joint training’ sa duha ka nasud.
Gawas sa combat drills, makatabang usab kini sa panaghiusa nga pagtubag sa kalamidad, ug ilabing importante sa pag-apil sa United Nations (UN) ‘peacekeeping operations’. (Jane ABulag)
