Nagtimaan sa dakong kalampusan ang Malampaya Phase 4 Project pinaagi sa unang paghatod sa natural gas gikan sa mga bag-ong drilling wells ngadto sa Malampaya Onshore Gas Plant sa Tabangao, Ambulong, Batangas City.
Gipaabot sa gobyerno nga makadugang kini og 222 bilyon ka cubic feet nga reserba sa natural gas aron mapalig-on ang suplay sa enerhiya sa nasod.
Gipasiugda ni Pangulong Ferdinand R. Marcos Jr. nga importante ang paggamit sa lokal o indigenous nga gas aron maminusan ang pagsalig sa imported nga fuel ug mapaus-os ang presyo sa kuryente.
Gipahibalo usab sa administrasyon nga nakahatag na kini sa 14 ka petroleum service contracts alang sa eksplorasyon sa langis, natural gas ug native hydrogen isip kabahin sa pagpalapad sa lokal nga tinubdan sa enerhiya.
Gilauman nga pinaagi sa kooperasyon sa gobyerno, pribadong sektor ug mga Pilipinong eksperto, mas mahimong lig-on ug malungtaron ang enerhiya sa nasod alang sa umaabot nga mga henerasyon.
