CAGAYAN DE ORO CITY, Philippines- May bag-ong coach ang National Men’s football team sa Pilipinas.
Kagahapon, gitudlo si Philippine football legend Norman Fegidero isip interim coach hulip sa gibakante nga posisyon ni Tom Sainfiet.
Sa miaging mga bulan, unang mihangyo si Belgian Coach nga Sainfiet mubalhin sa Mali, dihang natapos na ang iyang coaching stint niadtong bulan sa Pebrero.
Hisayran nga pait ang kasinatian sa RP Team ubos sa kamot ni Sainfiet tungod kay pulos pildi ang upat ka dula nga gitambungan niini sa FIFA World Cup Qualifiers.
Ang 51-anyos na si Saintfiet maoy kasamtangang napili sa Mali Football Federation isip head coach sa qualification campaign sa 2025 Total Energies Africa Cup of Nations.
Gumikan niini, si Fegidero na ang magsilbing coach sa Team Pilipinas sa pagbukas sa 2024 Merdeka Cup sa Kuala Lumpur, Malaysia sa bulan sa Setyembre.
