CAGAYAN DE ORO CITY, Philippines – Plantsado na himoong pagmartsa sa Philippine Team alang sa nagkaduol nga pagbukas sa 2024 Paris Olympics, sa Paris France.
Makasaysayanon ang pagbukas sa pinakadakung torneyo ning tuiga tungod kay dili magsugod sa Olympic Stadium ang sermonya, apan, sa suba sa Paris.
Kung mahinumduman nga gipamatud-an ni Paris City Mayor Anne Hidalgo nga luwas sa ecoli nga Seine River, dihang siya mismo ang milangoy sa suba sa miaging semana.
Unang gibutyag ni Philippine Olympic Committee o POC President Abraham Bambol Tolentino nga panguluhan nila Pinoy boxers Nesthy Petecio ug Carlo Paalam ang ilusad nga parada kauban ang 16 pa ka mga atleta.
Gikompirmar ni Tolentino nga dili tanan atleta ang makatambong sa opening tungod sa ilang iskedyul sa training.
Magsugod ang Opening ceremony alas 7:30 sa gabie sa Paris o 1:30 sa kadlawon sa adlaw’ng Sabado sa Pilipinas.
