CAGAYAN DE ORO CITY – Panguluhan ni Papal Nuncio to the Philippines Archbishop Charles Brown ang laing santos nga misa sa Saint Augustine Cathedral ning syudad unya alas 6:00 sa gabii.
Kini ang gipahibalo ni acting city tourism officer Mark Kenneth Jalapadan diin mohimo’g istrikto nga pagpatuman sa security protocol ang city govt ug mga otoridad pagsiguro nga luwas ang tanang anaa sa kalihukan.
Siya miingon nga ipatuman sa incident mngt team ang ONE ENTRANCE,ONE EXIT POLICY ingon man ang ONE WAY TRAFFIC sa bisinidad sa Cathedral ning adlawa.
Samtang gigarantiya ni City Police Director Col Salvador Randam nga nakaandam na ang ilang puwersa kuyog sa Task Force Oro aron mahatagan sa igong seguridad ang CBCP bishops ug ubang top Roman Catholics nga anaa ning syudad.
Gihimo ni COCPO spokesperson Lt Col Evan Vinas ang pasalig nunot sa ilang padayong paghatag seguridad sa sobra 90 ka arsobispo nga partisipante sa plenary assembly sa CBCP nga unang gipahigayon dinhi sa dakbayan.
Miingon si Vinas nga nagkinanhanglan sila sa kooperasyon sa publiko samtang anaa pa ang presensya sa CBCP bishops sa syudad.
