CAGAYAN DE ORO CITY – Gihangyo ni Papal Apostolic Nuncio to the Philippines Archbishop Charles John Brown ang mga mitoo ug adunay dakong respeto kang late Pope Francis nga ipadayon ang mga paghalad sa pag-ampo alang sa iyang kaluwasan.
Kini nunot sa gidangatan nga kamatayon sa santo papa tungod sa komplikasyon sa sakit sa edad 88 diin gilubong na didto sa Roma,Italya sa miaging adlaw’ng Sabado.
Miingon si Brown nga susama sa mga tawong buhi pa, nagkinahanglan ang santo padre sa mga pag-ampo taliwala nga kini naila nga nagpakabuhi sa katarong ug puno sa simplisidad.
Gihimo ni Brown ang mensahe nunot sa iyang pagpangulo sa dawn mass sa kapistahan sa Divine Mercy sa Brgy Ulaliman,El Salvador City,Misamis Oriental diiin gitambungan sa 56-mil ka mga deboto ning semanaha.
