Gisumbalikan sa People’s Republic of China mga pahayag sa gilusad nga Peace Dialogue sa Metro Manila nga bag-uhay lang gitak-upan.
Sa gipagawas nga mensahe sa Chinese Foreign Ministry, namahayag si spokesperson Mao Ning nga gimintinar sa ilang nasud ang pag-implementar sa balaod sa 10 dash line.
Kini nag-apil usab sa pagbasura sa illegal nga 2016 arbitral ruling sa United Nation Convention on the Law of the Sea o UNCLOS nga mipabor sa soberiniya sa Pilipinas sa mga giilongang isla sa West Philippine Sea.
Una niini,gipasigarbo ni National Security Adviser Assistant Director Jonathan Malaya ang posisyon sa Pilipinas nga wala nangayo’g panabang ubang kanasuran.
Kini human gilampurnas sa nakadaghang higayon sa water canon ang mga resupply mission boats sa Philippine Coast Guard ug Bureau of Fisheries and Aquatic Resources.
Miingon si Malaya nga dili gusto sa gobyerno nga ipabaga ang tension ug mas prayoridad ang diplomasiya sa pagresolbar sa walay pagsinabtanan sa PCG ug sa Chinese Coast Guard.(Bombo Anne Quileste).
