Samot nga gipalig-on sa Pilipinas ug Russia ang “Tourism Cooperation” sa duha ka nasud. Kini ang usa sa mga importante’ng panghitabo sa natigayon nga Association of Southeast Asian Nations (ASEAN) Tourism Ministers Meeting, kagahapo’ng adlawa, Enero 30. Sa natigayon nga miting, lakip sa gihisgutan ang mga plano alang sa pagpa-lambo sa turismo sa tibuok rehiyon sa mosunod nga lima ka-tuig. Ang miting, gipangulohan ni Tourism Secretary Christina Garcia Frasco diin nagka-uyon ang mga tourism ministers alang sa pagpalig-on sa 5-year plan nga “sustainable and resilient tourism development” sa mga nasud nga lakip sa ASEAN. Subay niini, misuporta usab ang Russia sa plano sa ASEAN sa tuig 2026-2030 diin gipakita nila ang ilahang suporta alang sa ‘visa liberation’ sa mga nasud nga lakip sa ASEAN, nga makatabang usab sa mga Russian alang sa pag-biyahe. (Phillip Ariata)
