CAGAYAN DE ORO CITY – Gipatuman sa Cagayan de Oro City Police Office o COCPO ang taas nga alerto alang sa paghatag seguridad kang Vice Pres.Sara Duterte nga dunay tambungan nga kalihukan diha sa USTP gym ning syudad karong buntag.
Kini sa pagsiguro nga dili mabalda ang aktibidad ug kalikayan ma-kompromiso ang katibuk-ang seguridad sa syudad samtang anaa ang ikaduhang taas nga opisyal sa nasud.
Namahayag si COCPO spokesperson Lt Col Evan Viñas nga nakahan-ay na ang protocol sa seguridad tali sa vice presidential security personnel ug local police.
Bantayan usab sa prensa kon kinsa nga mga local official nga mosugat ug mokuyog kang VP Sara sanglit bag-uhay pa kining mihawa sa gabinete ni Pres Bongbong Marcos isip kalihim sa Department of Education o DepEd.
Hisayrang tungod sa panagbangi na sa politika tali mga Duterte ug Marcoses, naipit si VP Sara rason napugos pag-resign sa DepEd.
