CAGAYAN DE ORO CITY, Philippines – Nahukma’g guilty ang usa ka kanhi Chinese PhD Student human napamatud-ang sad-an sa pagpa-inom sa ilegal nga druga, ayha milugos sa 10 ka mga babayeng biktima sulod sa iyang puy-anan sa London.
Unang nasikop ang gibansagag serial rapist nga si Zhenhao Zou, Enero 2024.
Namahayag si Metropolitan Police Commander Kevin Southworth nga posibleng kapin 50 pa ang iyang nalugos samtang nagtungha kini sa University College London (UCL).
Maoy nagsilbing lig-ong ebidenysa sa kapuslisan ang mga recorded videos sa hidden camera nga iyang gi-install palibot sa iyang lawak.
Mukabat sa 1,277 videos ang nadiskobre sa mga detectives sulod sa iyang mga nakompiskar nga electronic devices.
Makita sa video ang iyang paglugos sa mga babayeng walay panimoot.
