CAGAYAN DE ORO CITY, Philippines – Mulusad sa large scale formation ang Philippine Army.
Sa interview sa Bombo Radyo namahayag si Philippine Army Commanding General LT-Gen Roy Galido nga kini na ang ikaduhang higayon nga sila mulusad sa “Combined Arms Training Exercise (CATEX) Katihan” aron masulayan ang ilang kahandam sa pag-atubang sa mga krisis sa nasud nga naglakip sa mga hulga sa nasudnong depensa ug seguridad.
Ang unang “Exercise Katihan” gihimo niadtong 2024, ug karon, gibalik kini aron mapalambo ang abilidad kasundaluan sa pag-command ug pag-control sa mga tropa sa dagkong pormasyon.
Gialayon ang okasyon sa pagselebrar sa ika-128 nga anibersaryo sa Philippine Army, nga unang gipahigayon niadtong Pebrero 17, 2025.
Ang tema sa selebrasyon mao ang “Matatag na Sandigan ng Bagong Pilipinas,” nga nagpakita sa padayon nga dedikasyon sa mga kasundaluhan sa pagpanalipod sa nasud ug pagpalig-on sa Pilipinas.
