CAGAYAN DE ORO CITY – Gipamugos ni PhilHealth Northern Mindanao Vice President Datu Masiding Alonto Jr nga wala siya’y nahibaw-an kalabot na sa MAFIA Group ug iregularidad nga mga kalihukan sa PhilHealth Central Office, hinungdan nga wala kini mabalaka oras nga ipatawag sa pagdungog sa senado.
Sa exclusive interview Bombo Radyo Cagayan de Oro, gibutyag ni Alonto nga nakabisita na ang mga operatiba sa National Bureau of Investigation kon NBI-10 sa iyang opisina.
Bisan on-voluntary leave ang opisyal, siya mismo nangatubang sa NBI aron ihatag ang ilang gipangayong dokumento ug impormasyon.
Subli, gipaniguro ni Alonto nga walay mantsa sa kurapsyon ang iyang kapin 20 ka tuig nga pagserbisyo sa government owned insurance company.
