CAGAYAN DE ORO CITY – Mi-apelar si Cagayan de Oro 2nd District Representative Rufus Rodriguez nga himoon na sunod bulan ang hearing sa kuwestionable nga pagbalhin sa 89.9 bilyon pesos nga PhilHealth Savings sa National Treasury.
Gihimo ni Rodriguez ang hangyo human gipadayag sa Korte Supreme nga itakda ang pagdungog sa maong isyu didto sa Enero 14, 2025.
Nabalaka ang magbabalaod nga dili kini maprayoridad nga isyu ilabina nga daghang dugang serbisyo ang gikinahanglan sa regular nga benepisyaryo sa maong pondo.
Usa sa misugyot mao si Senador Risa Hontiveros nga mikuwestiyon sa kamahal sa binulan nga singil sa Philhealth nga mubalor sa 500 pataas itande sa ubang private insurance company nga daghang medical services ang ihatag bisan tag 200-300 lang ang binulan nga bayrunon.
Usa sa gisugyot ni Hontiveros nga malakip sa medical aid packages ang ikaduha ka higayon nga general check-ups sa mismong benepisyaryo ug dili lang mutotok sa mga grabeng sakit.
Una niini niadtong bulan sa Mayo ug Agosto, gibalhin sa state insurance company ang balor P30-bilyon.
Samtang ang laing 59. bilyon pesos gitakdang itunol sa National Treasury sa Oktobre ug Nobyembre.(Bombo Anne Quileste).
