CAGAYAN DE ORO CITY – Angayang manubag ang pipila ka kurakot ug walay kapas pagdumala sa Philhealth kaysa mga miembro nila ang mag-antos maka-avail sa medical services kon magsakit sa sunod tuig.
Kini ang batikos sa kanhi alyado ni Pres Bongbong Marcos nga si former Executive Secretary Atty. Vic Rodriguez kon nganong nagkauyon ang ubos ug taasnga balay-balauranan nga pagpahamtang sa ‘defunding’ sa Philhealth kay adunay 600 bilyones pesos nga savings.
Gibutyag ni Rodriguez nga kon dili mapasagaron nga klase sa presidentee si Marcos sa iyang mga sakop,kalikayan unta nga moangal ang Philhealth members tungod sa hukom sa zero budget sa bicameral committee members ning semanaha.
Dumduman nga gibatikos pag-ayo sa mga miembro ang maong hukom sa mga magbabalaod kay mas gipaboran pa ang P26-B inserted budget sa kamarabaha nga AKAP program sa DSWD itandi sa isyung-panglawas sa katawhan sa nasud.
