Nakasiguro ang Philippine Army nga mahimong luwas ug walay mahitabong tikas sa pag-ihap sa mga balota alang sa kaangayan sa unang BARMM Parliamentary Elections.
Gipahayag sa Spokesperson sa Philippine Army nga si Colonel Louie Dema-ala nga tungod sa kasabotan sa Comelec ug sa nagkalainlaing partido, gipagawas sa mga lungsod ug didto mismo gihimo ang pag-ihap sa mga balota sa sulod sa kampo sa 6th Infantry Division sa Camp Siongco sa Cotabato.
Dugang pa sa opisyal, wala silay nakita nga timailhan nga mapakyas ang eleksyon tungod sa padayon nga pagbantay sa mga sundalo aron masiguro ang kalinaw sa tibuok rehiyon.
Tungod niini, pabilin nga naka-andam sa pinaka-taas nga red alert ang tibuok Armed Forces of the Philippines hangtod matapos ang proseso sa eleksyon ug mapanalipdan ang desisyon sa katawhan sa BARMM.
