Gipahibalo ni Technical SGT Ernesto B Clar Jr. gikan sa Army Recruitment Office Mindanao nga aktibo karon ang pagpangita og 800 ka officer candidate ug 3,799 ka candidate soldier aron mag-alagad sa nasod.
Dugang pa niini, gipasabot ni Clar nga kini nga inisyatibo gihimo aron matagaan og kahigayonan ang mga kabatan-onan nga gustong moalagad alang sa kalinaw ug kalambuan sa atong nasod.
Mahitungod sa mga kwalipikasyon, ang mga aplikante sa Officer Candidate Course kinahanglang nagpangidaron og 21 hangtud 26 anyos, samtang ang Candidate Soldier Course alang sa mga nagpangidaron og 18 hangtud 25 anyos.
Sa laing bahin, giawhag ni Clar ang mga interesado nga mobisita sa ilang buhatan sa Camp Evangelista, Cagayan de Oro City alang sa dugang mga detalye sa recruitment process.
