CAGAYAN DE ORO CITY, Philippines – Gisupak sa Philippine Egg Board Association ang pamahayag sa Department of Agriculture kalabot sa posibleng pagkunhod sa supply sa itlog sa manok sa ikaduhang kwarter ning tuiga.
Namahayag si Francis Uyehara, presidente sa asosasyon nga nag-oversupply ang itlog sa miaging tuig busa walay rason nga muubos ang supply niini ning tuiga.
Gisupak usab ni Uyehara ang lihok sa presyo sa merkado sa Metro Manila-NCR human namatikdan sa ilang grupo ang kalit nga pagsaka sa presyo sa itlog.
